W. K. Merdimîn

W. K. Merdimîn
W. K. Merdimîn
Melumato şexsi

W. K. Merdimîn (b.?, Wisifun) yew nuştox û şaîro Zazayo.

Biyayîşê ey

W.K.Merdimîn dewa Çewlîgî Wisifun de ameyo dinya.

Perwerdey ey

Nuştoxo Kird W.K.Merdimîn mektebo verên, mektebo mîyanên û lîse bajarê bîyayîşê xo Çewlîgî de wendî. Dima ra, şi Anqara û ûca de, Fakulteyê Ziwan-Tarix-Coğrafya (Dil-Tarih-Coğrafya) de qisimê Edebîyatî wend. Çend serrî Çewlîgi de musnekarîya edebîyatî kerd. Dima Enstîtuye Perwerdeyîya Çewlîgî (Bingöl Eğitim Enstitüsü) de bi ezayê heyetê perwerdeyî (öğretim üyesi). Miyanê nê serran de Unîversîteyê Gazî de dewamê beşê ekonomîye kerd û îta ra zî mezun bi. Dima mezunîyetî de sektorê finansî de bi kontrolkerdoğ û heta tekautîye no sektor de xebîtîya.

Ziwanê zazakî sero xebatê ey

Şaîr û nuştox Merdimîn, yew xebatkarê ziwanê kirdkî yo. Hususan Çewlîgi de semedê ziwanê kirdki xebata ke erjîyaye kerda. Seke yeno zanayiş ke serranê peyînan de bi polîtîka û propagandayanê nêyaran miyanê şarê Çewlîgi de semedê kirdkî yew fîkro beyum vila bibi. Herkes vatênê ke kirdkî vînda bena. Xususan Çewlîgi de hetê xebatê ziwanî de yew “sûrhewayî” zî çin bi. No hete ra yew halê mergî bi. Merdimîn bi şîîranê xo moti Çewlîgijan ke kirdkî hema ganî ya û eke “merdim” bibo eşkeno pê şîîranê irfanî zî binuso. Badê xebatê ey Çewlîgi de hetê ziwanê dayikî de yew hewayo pozîtîf virazîya. Heto bîn ra xebatê ke wareyê ziwanî de ameyê kerdiş sey xebatê Grube ya Vateyî, Çewligi de ameyê şinasnayiş û qiymetdîyayîş.^[1]

Latînîzekerdişê eseranê zazakî

Merdimîn, xebata ke miyanê gelê xo de ameya kerdiş heme vetî meydan û çap kerdî. Xebata kirdkî zedê ra melanê ma kerdibî. Xebatê yin sey mewlîd, diwan û hikaye bî. Merdimîn nê xebatî heme latînîze kerdî u heme çapkerdî… Xebatê Mela Kamîlê Puex, Mela Mehemede Muradan û Mela Mehemed Elî Hunî înan ra çend heb î. Xebatê Merdimîn kovaranê Vateyê, Nubihar û Esmere de weşanîyayî. Xebatê Merdimînî ra çend numuneyî cêr de yê:

Yew şiîro namdar

Çi Pawenî

Çendêk bena wa xeyrin bo, wazen’ wa zerd û sîmin bo

Gama ke zad û werd çin bo, dêze w’ xil ra çi pawenî!

Derd û kulan bêhiş kerdo, vera darû jehri werdo

Awe ame arê berdo, purt û pil ra çi pawenî!

Zanîyan de derman çin bo, qelbê ma de îman çin bo

Hêga de randiman çin bo, pişk û sil ra çi pawenî!

Camêrdo ke bêwahar bo, ha peye bo, ha suwar bo

Eke ristim wişk û war bo, pel û gil ra çi pawenî!

Homayî ra çi ke bêro, qiymetê ey hemin ser o

Zanayey’ ma hewna şêro, ti cahil ra çi pawenî!

Qey ti eşkera nêvanî, hîşê tayên sere n’anî

Gulistan bi sey zindanî, gul û vil ra çi pawenî!

Wayir ziwan ewam û xas, qey nêtehmnen’ kird û kirdas

Vîndî bîyo durr û elmas, ti çaxil ra çi pawenî!

Tayên qedik, tayên kirbas, piragirewt tayên atlas

Qiymet çin o çend û çiqas, belg û cil ra çi pawenî!

Merdimîn ti erey kewtî, bîy têmîyan raşt û çewtî

Peynî d’ ba’sû ba’de’l-mewtî, ti xafil ra çi pawenî!

W.K Merdimîn, Hezîrane, 2010

Ina şîîrê Merdimîn hetê Mücahit Göker ra ameyo beste kerdiş.^[2]

Şiîrî

Dîwan Kirdkî (zazakî) şîîr. 99 r. W.K Merdimîn Weşanxaneyê Vate. Îstanbul-2004
Şîîrê Kirdkî: Yew kismê şîîranê ey mîyanê serranê 2004-2011 de kovaranê Vate û Nûbihar de weşanîyêyî.

Mewlîdê Kirdkî

Mewlîdî Nebî-Mela Kamîl Puexî: Çapê tipqî û herfanê erebî ra bi latînî transkripsiyon W.K. Merdimîn Îstanbul-2003
Mewlîdê Nebî- Mela Mehemedê Muradan: Herfanê erebî ra bi latînî transkripsiyon hetê W.K Merdimîn û N.Celalî ra virazîya û 2004 de kovarê Vate de weşanîya.
Mewlîdê Nebî-Mela Ehmed XASÎ: Çapê tipqî û herfanê erebî ra bi latînî transkripsiyon W.K Merdimîn HÎVDA İletişim Îstanbul-2005

Meqaley

1)Kirdkî de Antişê Fîîlan, Kovarê Vateyî
2)Ferhengê Mehmet Aydarî Sero, Kovarê Vateyî
3)Ziwan Musayiş, Kovarê Vateyî
4)Çewlîg ra Vateyê Verînan û Îdyomî, Kovarê Vateyî

Reportajî

Mela Kamîl Puexî: ”Werrekîna în Melayî Mumtazî Biûmenî Yew ca.” 2002- Kovarê Vateyî Humar: 18 Roportajkerdox: W.K Merdimîn
Mela Mehemedî Muradan: “ Ez İnê Zê Yew Musîbetêk vînena.” 2003 Kovarê Vateyî -Humar:21. Roportajkerdoxî: W.K Merdimîn-N.Celalî
Mela Mehemed Elî Hunij: “Zûnî Ma Weş o La Alîmû îhmal Kerdo.” 2004. Kovarê Vateyî Roportajkerdoxî: W.K Merdimîn-N.Celalî
Sait Altun de Roportaj: “Sanatkaro namdar Seîd Altun” Roportajkerdox: W.K MerdimînVate Dergisi
Mela Mehemed Eli Sîwanij de roportaj. Roportajkerdoxî: W.K Merdimîn-N.Celalî-W.Zozanî Kovarê Vateyî
Mela Feyzî Buegij de roportaj : Roportajkerdoxî: W.K Merdimîn-N.Celalî-W.Zozanî. Kovarê Vateyî
Mehmedî Mela Emerî de roportaj Îstanbul Kovarê Vateyî – Kovarê Nubihar Roportajkerdox: W.K Merdimîn

Eserê ke redakte kerdê

Bediuzzaman Said Nursî-Vateyê Qijkekî (Küçük Sözler) Tadayox: Serdar Bedîrxan-Weşanxaneyê Nûbiharî. Îstanbul- 2010^[3]
Bediuzzaman Said Nursî-Mektubat (heta 8.Mektubi), Lemalar (heta 21.lemayi) Tadayox: Serdar Bedîrxan-2011
Mewlana ra Hîkayeyî- Tadayox: Sipîyenî.

Çimey

"Error: no |title= specified when using {{Cite web}}".

[1] ttp://www.kirdki.com/?p=1206

[2] ttp://www.youtube.com/watch?v=EphRyFes8rY

[3] ttp://dersiminfo.com/wesanxaneye-zehra-ra-kulliyate-risaleyane-nuri/

[1]

[2]

[3]