İdris Yenok Solmaz
İdris Yenok Solmaz, 1990 de ame dınya, 3y Gulane 2022 de şi heqiya xo, yew nustoğo Zazao Elewi bi. Keyey cı Sêwaz, qezay Zera ra, dewa Bekpari, eşira Gınıcan rao, Yalova de maneno. Vatena kalıkê xo ra Zazaê, hetê ra ki Ermeniyê, labelê kamci hetê xo Ermeniyo, nêzaniyeno. İdris kamiyanê Dêsımıcan u Ermeniyan u zıwanê xo Zazaki sero, yew ki tertelan u kokardena (şarkıştena) 1915 u 38i sero bari u hêc bi.
| İdris Yenok Solmaz | |
|---|---|
 | |
| Melumato şexsi |
O hewna ke 17-18 serre bi, ver kerd musaena Zazaki. Keyey xo de ro domanan zıwanê xo salıx nêday bi. O tewr zêde maya xo u embazanê xo ra be ğiret u merex zıwanê xo musa. Vatena ey ra sebebo tewr mıhimo ke zıwanê xo musa, waşto ke Terteley Dêsımi (1937/38) be zıwanê xo areze (fehm) bıkero.
İ. Yenok Solmaz Zazaki ra piya elaqay xo Ermenki, Kırdaski, u Farski rê ki biye, nê zıwanan ki tenê musa. Serra 2014ıne de ey kıtabê xo "Gramerê Kırmanćkiyo Asano Pratik - Pratik Kolay Dersimce Gramer" Vetışxaney Fami de vet. Medya sosyale, hele ke Facebook de, grubanê mıxtelıfan de, zey çekuyanê Zazaki, Dersim DNA Project, ked u emegê cı Zazaki rê zehfo.
Ey serranê 2019 u 2020 miyan de, Mardin Artuklu Üniversitesi de Zıwan u Kulturê Kurdan (Kürt Dili ve Kültürü) u Zıwan u Edebiyatê Zazaki (Zazaca Dili ve Edebiyatı) sero terbiyet diyêne. Labelê riyê nêweşiya cigera siyae ra geyra a keyey xo ser.
Wesarê serra 2020ıne de ke cigera siyae ra bi nêweş, tey nêweşiya "Primer Sklerozan Kolanjit"[1] teşxis bi. Seba ke stento ke kerdi bi cı, rêm daêne, gırewtêne we, xeylê rey emeliyet bi. Jahre (hazarey) cı ra awke veciyaêne. Nisanê 2022yıne de eke pışıkê xo awe gênê, emeliyet beno. Oyo ke cı rê seba cigera siyae donor lazımo, bıraê ey qailo donor bo. Ema nê dı serran de zehf ki kilo dao waro, doxtori vanê, gani sıfte kilo bıgêro ke emeliyet de a ser kewo. Roca 3.5.2022 de xafılde mıreno. Meytê ey se ke ey waşto, dewa xo Bekpar, lewey kalıkê xo de dard we.
Kıtabê İdris Yenok Solmazi
bıvurne