Zûra goniy

Zûra goniy ya zi iftıra goniy, iftıra gırda ke erziyena Cıhudan ser ke gorey cı Cıhudi tût u pıtan tepışenê, kışenê u ayinê xoyê dini de goniyê inan gurenenê. Gorey zûra goniy Cıhudi roşanê xo Pesah rê goniyê merdımi geyrenê cı. Coka zi tût u pıtanê Xıristiyanan vênenê. Key ke yew qıcek merdêne, şarê Xıristiyani sebebê merdışê qıceki eştêne Cıhudan ser. Rıyê zûra goniy, demanê verênan de Cıhudan zaf zılmi diy, kışiyay, linç biy. Yew zi bilxasa Almanya u miyanê Ewropa de heykelê Cıhudanê xırabi vıraziyay. Enê heykelan de Cıhudi be xozan amey motış. Tayê enê heykelan de mınasebetê Cıhudanê cınsi be xozan amey motış. Tayê binan de zi Cıhudi şıtê xozan şımenê ke şıt u goştê xozi dinê Cıhudan ze heramo gırdo.

Cıhudi şıtê xozi şımenê. Rıyê zûra goniy Ewropa de zaf cayan rê enê heykeli vıraziyay. Ninan rê Judensau (be Zazaki xozê Cıhudan) vaciyeno.