Zaza-Der, komela zıwan u kulturê Zazayana ke tarixê 18.03.2011 de Taksim-Istanbul de hetê mensubanê Platformê Zazaki ra ameye ronayiş. Platformê Zazaki 3 serrio waştêne ke seba zıwanê Zazaki dezgeyê do resmi rono. Peyniye de karê burokratiki qediyay u roca 18 Adare 2011 de komele ameye ronaene, 30 Nisane 2011 de zi keyberê xo şarê Zazayan rê kerd a.

Zaza-Der: Komela Zıwan u Kulturê Zazayan

Beyanatê abiyayışê Zaza-Deri bıvurne

Zaza-Der beno a! Zazaê ke wextê wextan ra nat nê erdan kenê şên u no welat de qefley etnikiê hirêyınê, gama verêne be fêl u emelê xo ra amey pêser ke dezgeh u muessesey xo be xo pêşanê. Be ena pêresaena menidara henêne Komela Zıwan u Kulturê Zazayan (Zaza-Der) arde meydan. Na komele keyberê xo roca 30ê Nisanê 2011 de şıma rê kena a.

Zaza-Dero ke Tırkiya de dezgeho resmiyo verêno, qailo ke tewr ver de zıwan, kultur u tarix, ware u mewzuyê ke Zazayan (şarê ma) kenê elaqedar, ninan sero kar u xebatanê hira u hewlan vırazo u xoseriya şarê Zazayana sosyal u kuturele be teminat bıdo ac u neslo ke ma ra peyda beno. Oyo ke Zaza-Der no sebeb ra ronaeyo, Zazaê ke hetê din u fıkr u mıxtelıf tebeqan ra rengınê, platformê ninan pêroinano. Na rengıniya inana ke asena, Zaza-Der pê peymê do tenêna hira, jûkekiya Zaza biyaene be universaliya insan biyaene cıwenê xo de vay dano, şênati u fealiyetanê xo rengıniye miyan de be prensipê weşiya xo, ano meydan.

Kar u xebatê Zaza-Deri bıvurne

  • Komela Zıwan u Kulturê Zazayan (Zaza-Der), seba kursanê Zazaki yew komisyonê zıwani ard pêser. No komisyon mufredatê dersan amade keno. Wexto ke karê mufredati qediya, kursi yenê dayiş. Heto bin ra zi, no komisyon problemanê zıwani sero gurino u malımanê zıwanê zazaki resneno.
  • Zaza-Der wazeno ke kursê tiyatroy bıdo. Kursiyerê ke gruba tiyatroy de resenê, zıwanê zazaki de tiyatro kay kenê.
  • Gruba Muziki - kursê muziki, temburi, gitari dana. Grubanê muziki resnena ke, nê grubi zıwanê zazaki de kılam u deyiran vacê. Heto bin ra Zaza-Der wazeno ke yew koroyê domanan bıresno.
  • Gruba sinema u fotografi - Na grube kursê kameramaniye, video-montaji, film-vıraştoğiye uçb dana. Kursiyerê ke na grube de resenê, gani belgesel u filmanê zazaki vırazê. Zaza-Der wazeno ke musabaqayê filmanê kılmekanê zazaki zi organize bıkero.

İrtıbat bıvurne

  • Adresa Zaza-Deri: Hüseyin Ağa Mahallesi Topçekerler Sokak No:16 Kat:3, Taksim, Beyoğlu/İstanbul
  • Têlefon: 0534 793 03 33
  • E-poste: iletisim@zazader.org
  • Keyepele: Zaza-Der