Zazakipediya:Héreketê Miliyê Zazayan

Héreketê Miliyê Zazayan yew partiyu.

Tüzügê Héreketê Miliyê Zazayan (ZUH) bıvurne

1- ZUH, pêserokêda zon u literatürê zazayano. Waştena ZUH'i, ver vıni biyayşêda zonê zazaki rê rıhêdo newe bıdo u êy aver bero

2- ZUH, literatürê vatey zonı, cüwayışê ê sosyal u vinayışê diyanetê şarê Zazayan koleno u sıfte ca dano nuşê koloxan (araştırmacı).

3- ZUH, wazeno lehçeyê zazaki biyaro nezdi pê u zazakiyê do standart vırazo. Vernida hizipçitey bendo u hizipçitey qebul nê keno.

4- ZUH, problemê cınyan wazeno bı şeklêdo demokratik warey biyaro u wazeno cınyay zazayan zi biro merhéleda demokrasiyê cınyay Ewrope u qandê nêy çi gürweyeno. Vernida tepa mendışi dı vındeno u gürweyeno. Sıfte ca dano nuskari cınyay u cınyayani rê yaremetey dano u paşti vıcêno.

5- ZUH, bı hémına dı u her qedemeyê zazayan dı elaqa roneno u gürweyê xü dı gıraney dano sere werzayenda şarê ma u wazeno şarê ma arêdo pêser. ZUH héme şiddetê burjuwazi ver şaran paweno u hemver nêy şiddeti xürubanê demokratikana piyad héreket keno.

6- ZUH meseleyê zazayanê mili, kültüri u şarey ser güeweyeno. Qandê mekteban sistemêdo édil u demokratik paweno. Bı zazaki mektebi, radyo, televizyoni u xezeteyê rocayey bıreso sarê ma u bıvıciyê. Qandêk nêy waşteni biri ca qürumanê mili vıraştışi rê yaremetey dano u nêy çiyana mühim vineno. Kültürê Zazayan mısnayışi rê verey dano.

7- ZUH qandê ju biyayenda sarê zazayan mili gürwe-yeno. O kı wazenê na ju biyayişı bışıknê ina verdı vındeno u wazeno zazayan ju çorşme kameyıd biyaro pêhet. ZazaPress pêserokêda zazayê ê Elevi u ê Süniyano. Nêy qıymeti ze kültürê dini sarê ma vineno.

8- ZUH, qandê bırayey, vıraştışı ilmi, rayê newe u qandê gami verni eştışı neşır keno. Waştena ZUH: sendiqay bı abyê, gürweyox u dewıji akademiyê xü akerê u platdormanê demokritikan dı vıryayışıda newe biro vırazyayenı. ZUH zonê şarê binan rê, élaqa ronayen bı şaranê binan u bı xürubanê inana pêyardışi rê qiymet dano. Héme şiddeti kolonyalizmı ver dı bı şaranê bındestan a piya verida kolonyalistan cephe akeno u na xetê xü inkar nê keno. Dınyay dı roşnayey wazeno

9- Zıwanê ZUH zazakiyo. Cayêk zazay cüwênê u vêşiyê wucanan dı zıwanêdo sıfte zazakiyo.

10- ZUH prensipê demokratikê qanunê neşıra gırêdaye yo. U nêy qanunan zi zaf zaruri vineno.

11- ZUH proplemê wextê ma yê ê newe, enerji u problemê ê çorşme (tabiati) nezdira kontrol keno. Meseleyê hügiyenid wazeno şaran roşn kero. Dınya dı sistemê ekonomiyê do édil wazeno u paweno.

[[Kategoriye:Partiy]] [[Kategoriye:Nasyonalizmê Zazayan]]