Çetin Emeç
Çetin Emeç (b. 1935, Estanbol – m. 7 Mart 1990, Estanbol), yew merdımê Tırkê qezeta biyo. Kışta mae ra maya xo Rabia Emeç biya u kışta pi ra piyê xo wekilê vıraştoğê Partiya Demkorate Selim Ragıp Emeç biyo. Dı waê xo pê namey Zeynep, Leyla u yew zi bıraê xo pê namey Aydıni biy. Veyvê xo pê Bilge Emeçi ra dıma jû keyna xo pê namey Mehveşi u yew lacê xo pê namey Mehmeti biy. Keyna xo Mehveş Emeç be destê Kültür Bakanlığı senatkara dewlete çıniyaya we.
| Çetin Emeç | |
|---|---|
| Melumato şexsi | |
| Dewlete | Tırkiya |
| Cınsiyet | Camêrd |
| Cayê biyayışi | Estanbol |
| Biyayış | |
| Merdış | (Mezelgahê Zincirlikuyu de merdo) |
| Cayê merdışi | Estanbol(Dırbeta tıfıng ra merd) |
| Wendış | Universitey Estanboli Fakultey Hıquqi û Listey Galatasaray |
| Gure | Rocnameker |
| Zıwani | Tırki |
| Domani | Mehveş Emeç |
Lisa Galatasarayi ra tepeya kewt Universıtey Estanboli Fakultey Hıquqi u tiya ra biyo mezun. Qezeta Selim Ragıp Emeçi Son Posta (Posta Peyêne) de kewt basın u biyo qezetaker. Piyê xo ke Partiya Demokrate ra wekil çıniyao we u Darbey 27 Gulane 1960y Tırkiya ra tepeya tepışiyao, o zi nışto ro serdariya qezeta.[1] Mecmuanê Hayat ve Sesi de mudurê karanê nuştey biyo, serra 1972 de vêrdo Gruba Hürriyeti. Neşriyatê Hürgüni de zi direktorê neşriyatê pêroy biyo. Miyanê serranê 1984-1985i de zi vêrdo qezeta Milliyeti u 1986 de ageyrao qezeta Hürriyeti.
Çetin Emeç ke hirıs u heşt serri biyo merdımê qezetan, ezay Cemiyetê Qezetaciyan, Enstituyê Neşriyatê İnternasyonali u Federasyonê Enstituyanê Neşriyatanê Qezetan biyo.
Tarixê 7 Mart 1990i de keyê xo ra veciyo teber ke şıro karê xo ser, verê keyê xo de kışiyao, uca weşiya xo kerda vıni u merdo. Şoforê ey Sinan Ercan zi uca merdo. Mezela xo Zincirlikuyu dera.