Desteg:Tedeestey

Gamê verêni

Şıma xeyr ameyê Wikipediyaya Zazaki! :-)
Her çi ra raver, ma şıma ra reca kenime ke, nuşte û meqaleyanê xo be Zazakiyê pak û zelali bınusê.
Şıma rê zehmet, meqalanê xo be Zazakiyo Standard (Zazakiyê Hemıne) u Alfabey Warey bınusê. Labelê, êyê ke wazenê, şenê be Alfabeyê Bedırxani ki/zi bınusê.
Eke şıma Zazakiyo Standard nêzanenê, şenê be Zazakiyê dewa xo bınusê. Labelê, Zazakiyê dewa xo gani 'raşt' bınusê.
Wikipediyay Zazaki de vandalizm, heqaretkerdene tometa! Karberê ke çiyanê wınasiyan/hi<nan kenê, Wikipediya ra yenê teber kerdene.
Nae xo vira mekerên: Semedê (qandê, seba) Wikipediya de nuştene, zaf teknik û marifeto hewl lazım niyo. Eke şıma pelanê Wikipediya de bıgeyrê u taê qurdi kerê, şenê xeylê çi bımusê.
Heto bin ra, şıma key ke meqale nusenê ya zi vurnenê, kesi ra metersên! Tiya Wikiyo. Labelê, şıma nuştanê xo de gani ca bıdê çımanê objektifan.
Nuştanê xo de, haydarê nuqte û virgulan vınderên (diqet kerên) u nuxta ya zi virgule dıma çekuyan miyan de taê (hebê) mabeyn (are) cı dên.
Eke şıma çım berzê pela kategoriya Gramerê Zazaki, taêna rınd şenê Zazaki bınusê.
Bınê her meqaley de, kategoriyanê nuştey bınusên. Anciy, eke nuştey şıma zıwananê binan de esto, wa gırê dê be zıwananê binan.
Ma wazenime ke şıma heta peyniye peşti bıdê Wikipediya Zazaki u tede bınusê. Çûnke, no proce semedê (qandê, seba) zıwanê ma Zazaki zaf hewl u muhimo.
Semedê (qandê, seba) iştırakanê şıma, nıka ra pir u kal bên, weş u war bên! İştırakê şıma tım daim bê.

Kami ra pers bıkeri, kami ra peşti bıgêri?

Sistemê gırweynayışê Wikipediya sero eke şıma wazenê zanayışê xo hera kerê ya zi cewabê yew persi bımusê, şıma şenê nê perranê bınênan de seyr kerê:

Pela Eyniyê Dewe ra
Pela Portalê Cemati ra
Pela werênayışê Perra Seri ra
Pela Peşti ra
Pela Panc Ustınan ra
Pela Politikay Wikipediya ra
Ya zi cı kewên be perranê idarekar[an]ê Wikipediyay Zazaki; Mirzali û Asmên de irtıbat kewên.

Wikipediya de haydarê ninan vınderên (diqet kerên)

Wikipediya, panc ustınan sero ameya ronayene, şıma hewna ke meqaley nênuştê gani nê panc ustınan rınd bıwanê.
Xêrê xo, nusteyê ke şıma pelanê werênayışi de nuştê, peyniye de ~~~~ ilawe bıkerên ya zi serê panelê vurnayışi de hetê çhepi ra gocega 10ıne bıtıknên u tarix-imza bıercên cı!.
Eke "pela karberi"a xo de ca bıdê templatanê zıwanan, goreyê xo templatan vıracên ya zi xo sero yew nuşteyê nasdayene bınusê, karberê bini şıma tayêna rınd şınasnenê.
Eserê ke hetê heqanê telifi ra amey seveknayene, Wikipediya de inan menusên u ca medên cı!
Foto u resımê ke şıma bar kerdê Wikipediya, Galeriye de şenê inan bıvênê.
Şıma ke yew meqale vurna ya zi nuşt, raver bıtıknên ra gocega "Verqayti bımocne", bahdo eke nuşteyê xo qayil benê, bıtıknên ra "Ena pele qeyd ke" u nuşteyê xo qeyd bıkerên.