Erebi

Erebi (zıwanê xo dı: عرب), yew şaro Semitkiyo u vêşêr zımey Afrika u Rocvetışê Miyani dı weşiya xo rameno, namey oyo. Herabiyayışê İmperatoriya Erebi ra ver, namey Erebi tenya şarê kı miyanê miyan u dormey Erebıstani u Çolê Suriya miyan dı cıwiyêne, inan rê vatêne. Ewro namey Erebi merdımê ke dewletanê Erebi dı cıwiyenê, inan rê vaciyeno. Enê dewletê Erebi kewtê têmiyan, biy yewi u inan Liga Ereban vıraşta. Ewro namey enê vist u dı dewletê Liga Erebi wıni benê rêze; Cezayir, Behreyn, Komori, Cibuti, Mısır, Iraq, Urdun, Quweyt, Lubnan, Moritanya, Marok (Fas), Uman, Fılistin, Qeter, Erebıstanê Seudi, Somalya, Sudan, Suriya, Tunıs, Yewiya Emiranê Ereban u Yemen. Cayanê binan dı zi Ereban diaspora xo vıraşta, dewletan u Erebê diaspora pêro piya bunya xo dı 450 milyon merdımi kırışenê, gênê xo miyan.

Erebi
Gruba etnike
Melumat
Cıwiyayış	Brezilya, Fransa, Arcantin, Venezuela, İndonezya, İran, İsrail, Dewletê Yewbiyaeyê Amerika, Meksika, Tırkiya, İspanya, Australya, Rusya, Malêzya û Singapur
Ware	Semitic people
Rêçe	Semitic people
Nıfus	440 000 000
Din	İslam, Xıristiyaniye û Arabian mythology
Nameo raştıkên	عرب
Formê bini	Middle Easterners

Şarê Erebi enê dewletan dı, heta Okyanuso Atlantik ra rocvetış dı Deryay Erebi, zımey dı Deryao Miyanên ra veroc dı miyanê Afrika yew cayo gırd dı, 13 milyon km² ra gırdêr herran dı cıwiyenê. Enê cayan dı Erebi hetê etnik, linguistik, kulturel, tarixi, kamiye, cêografiki u politiki ra yewbinan ra bestiyay, heto bin ra zi zıwan, mimari, huner, literatur, muzik, dans, medya, nanweri, kıncş, komi, spori u mitoloci ra yew kultur motnenê.

Name

Demanê verênan dı raver namey Erebi çımeyanê Asuran dı vêreno. Asurıcan merdımê Semitkiyê kı Erebıstan dı weşiya xo ramenê u goçebeyê, inan rê Ereb vato, wıni name kerdo. O taw Asurıcan inan rê Arabaya vato, no name dıme ra vıriyo, biyo Ereb.