Kamer Genç
Kamer Genç (b. 23 Şıbat 1940, Nazmiya; m. 22 Çele 2016, Estanbol) yew memur u siyasetkarê Tırkiya (mebusê Tuncêliye, 1987 - 2002, 2007 -) biyo.
| Kamer Genç | |
|---|---|
 | |
| Melumato şexsi | |
| Dewlete | Tırkiya |
| Cınsiyet | Camêrd |
| Cayê biyayışi | Ramadan |
| Biyayış | |
| Merdış | (Ramadan de merdo) |
| Cayê merdışi | Estanbol(Kanserê pankreasi ra merd) |
| Wendış | Gazi University |
| Gure | Siyasetkar |
| Fıkır | Partiya Cumurêtia Şari |
| Zıwani | Tırki |
Ey Zazaki, Tırki u Fransızki zanıtêne. Kamer Gençi serra 2016ıne de aşma Çıle de suka Estanboli de weşiya xo kerde vıni, qanserê pankreasi ra merd.[1] Qemer Gênc dewa Remedani ra, eşira Areyıcan ra bi.
Biyografiya Kamer Gençi
bıvurneKamer Gençi serra 1940ıne de sûka Dêrsımi de Nazımiya de dewa Remedani de maya xo ra ameyo dınya. Roportajê ke ey sero kerdê, gore ey yew keyey Elewiyê feqıri ra ameyo dınya.[2][3] Piyê ey Ali Genç demê amnani de Estanbul de Silahtarağa de karker biyo u uca de kar kerdêne. Serra 1960ıne de zi o Anqara de kewto Mektebê Maliya. Hema ke mektebo ke tede ey wendêne, dest ra viyarnayış lazım biyo. Coka o peyser ageyrayo ra Dêrsım. O uca de kewto Lisa Tuncêliye, ey uca de wendo. Dıma anciya şiyo Anqara u kewto Mektebê Maliya. Bırayê cı Hıdır nêweş biyo u weşiya xo vıni kerda. Kamer Gençi serra 1966ıne de Akademiya Şınasiyê İqtısadi u Ticari ra mezun biyo.
Serra 1966ıne de peyser ameyo dewa xo. Uca de cêniya xo Sevim Gençi piyê cı ra waşta. O serra 1967ıne be Sevim Gençe ra zeweciyayo. Be namê Seçkin u Seçili dı domanê inan estê.
Çımeyi
bıvurne- MMPT de sicilê Kamer Gençi Archived 2010-05-30 at the Wayback Machine