Leyla Zana
Leyla Zana (b. Adar 1961, Sîlwan) sîyasetkara Kurda. Seba ke meclîsê Tirkiya de bi Kurdkî suwend wend, 15 serrî cezay hepsî girewt.
| Leyla Zana | |
|---|---|
.jpg) | |
| Melumato şexsi | |
| Dewlete | Tırkiya |
| Cınsiyet | Cêniye |
| Caê biyayışi | Sıliwan |
| Biyayış | |
| Gırwe | Siyasetkar, activist, nuştekar û rocnameker |
| Fıkır | Social Democratic Populist Party û People's Democracy Party |
| Zıwani | Tırki û Kurdki |
| Hempar | Mehdi Zana |
Cuya aye
bıvurneAşma Gulana 1961an de qezay Dîyarbekir, Sîlwan de amey dinya. 14 serrîya xo de bi Mehdî Zana de zewejîyaya. Mehdî Zana o çağ serdarê beledîyay Dîyarbekirî bi û Leyla Zana ra 20 serrî pîl bi. Darbey 1980in ra dima Mehdî Zana kewt heps. Hepisrakewtişê Mehdî Zana rayirê sîyasetî seba Leyla Zana kerda. Endî bi yew hewayo aktîf kewt mîyanê sîyasetî. Wendiş û nuştiş zewajê xo ra pey bonder bî.
Serrê hepisî
bıvurneWeçînayîşê 1991an ê Tirkîye de ser bi lîsta SHP (Partîya Şarîya Sosyal-Demokrate) ra, Dîyarbekir ra bî parlamentere. Wextê suwendwendişê parlementeran de, sereyê xo de bi kilçikanê kesk û sor û zerdan vejîyay kursî û sondê tirkî ra dima qisekerdişê xo wina qedîna: Ez vê sondê li ser navê gelê Kurd û Tirk dixwîm (Ez no suwendî, namey şarê Kurd û Tirkî ser a wanena.) Nê qiseyan ra dima parlementoyê Tirkîya de raştê şîdetê fekkî amey.
1994an de heqê destnêverdayîşî (heqê têkilnebîyayîşî)yê Leyla Zana û Selîm Sadak û Orhan Doxan û Hatîp Dîcle û Mahmet Alinakî ame rakerdiş. Û eynî serre de mehkema cezaya hepsî day ci. Mehkemaya Hekanê Merdiman yê Ewrupa (MHME) hezêranê 2002an de seba deway bêhiquqî 50.000 euro ceza day Tirkîya. Hezîranê 2004an de 10 serrîyê hepsîtî ra dima serbest mend.
Hepis ra dime
bıvurneLeyla Zana û embazanê aye, heps ra vejîyayîş ra pey Hereketê Komela Demokratîke awan kerd. 2005an de bi DEHAPî rey de bîy yew û Partîya Komela Demokratîke awan kerd. La nê serranê peyênan de sey verî sîyasetî de aktîf nîya.
Xelatê ke girewtî
bıvurne- Xelata Rafto (1994)
- Xelata Saxarov (1995)
- Xelata Bruno-Kreisky (1995)
- Xelata Aştiye yê Aachen (1995)
- Hemwelatiya rûmetî yE bajarê Cenevre
- Verendamîyetî seba Xelatê Nobelî yê Aştîye (1995-1998)