Sait Faik Abasıyanık
Sait Faik Abasıyanık (18 Kasım ya zi 22 Kasım ya zi 23 Kasım 1906 – 11 Gulane 1954) yew nuştekar u şairo Tırk bi. Abasıyanki zaf çi kerd cı hêkat u edebiyatê Tırki u cokao ke nuştekaranê serênan ra yewo u zey noxta geyrayışi vêniyeno. Rıyê ğeyretê ey edebiyatê Tırkê moderni rê ra o be namey "nuştekaro ke rıçıkê (koka) cı xo dero" şınasiyeno. Ey teknikê hekatê klasiki rıcnao, tebiat u merdımi be kışta rınd u xırabi, basit u semimi, hema be zıwano hewl nuşto, qal kerdo. Ey xo nêbestnao edebiyatê Ewropa (çiyo ke zafêrê senatkaranê Cumhuriyeti kerdo), bınê tesırê yew zihniyetê edebi de nêmendo u nêşi peyê yew terzi ra.
| Sait Faik Abasıyanık | |
|---|---|
| Melumato şexsi | |
| Dewlete | Tırkiya |
| Cınsiyet | Camêrd |
| Cayê biyayışi | Adapazarı |
| Biyayış | |
| Merdış | (Mezelgahê Zincirlikuyu de merdo) |
| Cayê merdışi | Estanbol(Siroz ra merd) |
| Wendış | Universita Estanboli fakulta yê Edebiyati, Istanbul High School, Grenoble Alpes University û boy's high school Anadolu |
| Gure | Şair, Nuştekarê romani, nuştekar û Nuştekarê esatanıke |
| Zıwani | Fransızki û Tırki |
| Maye | Makbule Abasıyanık |
| Pi | Mehmet Faik Abasıyanık |
Ey herunda problemê şari, problemê merdımi nuştê, hêkatanê xo de zafêr xo ra dest pê kerdo u merdım çıçiyo waşto ke ey bımusno. Heyatê sınıfa cêrêne gırewto eseranê xo, merdımê ke mase tepışenê, merdımê bêgurey, wayirê qehwexanan biy karakterê eseranê ey. O şi dımê terzê cıwiyayışê merdıman, waştışê merdıman, derdê merdıman, tersayış u şa biyayışê merdıman ra, nêkewtê problemanê şari. Cokao ke o kewto miyanê gruba "senatkarê ke merdımi gênê xo dest". Ey 1930an de başle kerdo heyatê xoyê nuştışi u be namanê "sorumlu avare", "gözlemci balıkçı", "çakırkeyf sirozlu", "küfürbaz şair", "müflis tacir", "züğürt yazar", "hamdolsun diyemeyen rantiye", "anadan doğma çevreci" şınasiyao. Hêkati, roman, şıiri nuştê, çiy çarnay (taday) u roportaji kerdê u heme enê çiyan be terzê xo kerdê. Vaciyao ke uslıbê cı zey ê asayışvıraştoğanê (resamanê) fovistan.
Key o zıwanê xo vıraşto, bınê tesırê namanê André Gide, Comte de Lautréamont, Jean Genet mendo u xo ra tepeya nuştekari zey Ferit Edgü, Adalet Ağaoğlu, Demir Özlü gırewtê bınê tesırê xo. Merdışê ey ra tepeya keyey ey ke Burgaz Adası de ca gêno çarnao muza u namey ey rê her serre odul danê cı.
Bibliyografiya cı
bıvurneKıtabê hêkati
- Semaver (Semawer) (1936, Remzi Kitabevi)
- Sarnıç (Sarnıc) (1939, Çığır Kitabevi)
- Şahmerdan (Şahmerdan) (1940, Çığır Kitabevi)
- Lüzumsuz Adam (Merdımo Bêluzım) (1948, Varlık Yayınları)
- Mahalle Kahvesi (Qehwey Mehella) (1950, Varlık Yayınları)
- Havada Bulut (Hewr Hewa de) (1951, Varlık Yayınları)
- Kumpanya (Kumpanya) (1951, Varlık Yayınları)
- Havuz Başı (Serê Hewuzi) (1951, Varlık Yayınları)
- Son Kuşlar (Teyrê Peyêni) (1952, Varlık Yayınları)
- Alemdağ'da Var Bir Yılan (Yew Mar Esto Alemdağ De) (1954, Varlık Yayınları)
- Az Şekerli (Tayn Şekerıni) (1954, Varlık Yayınları)
- Tüneldeki Çocuk (Qıco ke Tunel Dero) (1955, Varlık Yayınları)
Şıiri
- Şimdi Sevişme Vakti (Inka Waxto Sinayışio) (1953, Yenilik Yayınları)
Romani
- Medarı Maişet Motoru (Motorê Maişedê Medari) (1944, Ahmet İhsan Basımevi)
(1952, çapo dıyın be namey Birtakım İnsanlar) - Kayıp Aranıyor (Vınibiye Yeno Geyrayış) (1953, Varlık Yayınları)
Tadayışi
- Yaşamak Hırsı, Georges Simenon (1954)
Roportaji
- Mahkeme Kapısı (Berê Mehkema) (1956, Varlık Yayınları)