Selmano Fars (be namê biyayışi: Ruzbe, be Erebki: سلمان الفارسي Salmān al-Fārsi, be İngılızki: Salman the Persian) merdumo verêno İranıco ke kewto Mısılmanan miyan u İslamiyet qebul kerdo. Selmano Fars verocê İrani de dewa Kazeruni de maya cı ra biyo. Maye u piyê cı her dı zi Zerduşti biyê. O dıme ra dewa xo ra abırriyo, şiyo Cey uca de wendo. Selmano Fars wendışê xo ra tepiya kewto bazırganan (taciran) miyan, raya Meka u Suriya de çiyê erinayo u roto. O taw İslamiyet diyo, kewto têvera be Mıhemmedi, raştê cı ameyo. Cengê Mısılmanan de Selmano Fars inan rê desteg kerdo, metodê cengê İranıcan hendekkınıtış inan rê şınasno. Yew zi o Qurane çarna ra Farski u coka o merdumo verêno ke Qurane çarna ra zıwanê bini. Mısılmanan miyan de namê cı Selmano Pak zi vêreno ra.
| Eno meqale yew vernuşteyo. Şıma şenê enê nuşteyi bıvurnên. |
