Ataol Behramoğlu

Ataol Behramoğlu
Ataol Behramoğlu
Melumato şexsi
Dewlete	Tırkiya
Cınsiyet	Camêrd
Cayê biyayışi	Çatalca û Estanbol
Biyayış	13 Nisane 1942
Wendış	Universitay Anqara
Gure	Zıwanşınas, nuştekar û Şair
Zıwani	Tırki

Ataol Behramoğlu, kılamdar (sair), nuştekar, çarnekar u edebiyatkaro namdaro de Tırko.

Weşiya xo

13ê Nisana 1942ine de qeza Estemoli Çatalca de ameo riye dina. Mektebo verên sukanê Kars u Çankırı de wendo. 1966ine de, Universita Anqara, Fakulta Zıwan Tarix u Cografya de, lızgey Edebiyat u Zıwanê Rusi wend qedna. 1962 de kut (kewt) Partiya Emegdaranê Tırkiya (TİP, Türkiye İşçi Partisi), na partiye de organize-biyaena politike de gure gırot xo ser. Mabênê ronaoğanê "Federasonê Klübanê Borzali (Fikıri)" (Fikir Kulüpleri Federasyonu, FKF) de ca gırot. Behramoğlu, kut kara ronaisê pêseroka "Dönüşüm"i u wayiriya na pêseroke gırote xo ser. 1970 de ebe albazê xo İsmet Özel'i ra piya, pêseroka "Halkın Dostları" vete. Oncia na serre de, sıfte şi Britanya, bado ki şi Fransa. Paris de, pitoğina klübê sewe, katibiya hotele u malımiye kerde.

1972ine de Universita Moskowa Fakülta Edebiyati de, edebiyatê Sovyeti sero zanaisê xo kerd hira. 1974 de peyser ama Tırkiya. Estemol de, Tiatroanê Suke de bi dramaturg u guria. 1975 de ebe braê xo Nihat Behramoğlu ra piya, pêseroka "Militan"e nê ro. Mabênê ronaoğanê pêseroka "Sanat Emeği" de ca gırot. 1979 de, Sendikawa Nustoğanê Tırkiya de bi sekretero pil. Çapxanu de guria. Cuntawa 12ê Payiza Verêne ra têpia, 1982 de ercia zerre, 10 asmi hepıs de mand. 1984 de Fransa de, Universita Sarbonne de, lızgey Centre de Poetique Comparee de "Kılamê Tırki u ê Dinya" sero xeylê emeg werd.

Kılamê xoyê sıfteyini be leqemê "Ataol Gürus" ra , pêserok u rocnameanê Yeni Çankırı Yeşil Ilgaz, Çağrı de veyciay, neşir bi. Waxto ke mekteba berce (universita) de wandêne, kılamê Behramoğlu'y pêserokanê zê Yapraklar, Dost, Evrim, Ataç de neşir bi u Behramoğlu nae ra têpia pıra (gran gran, hêdi hêdi)) bi namdar. Kılamê xoyê ke a dewran de amê nuştene, ina kerdi arê, kıtabê kılamanê xoyo sıfteyino ebe namey Jü Generalo de Hermeni/ Yew Generalo Ermeni de 1965ine de çap kerdi.

Ataol Behramoğlu'y kamiya kılamdarina (sairina) xoya esase mabênê serranê 1965-1971 de gırote; ni serru de pêserokanê Papirüs, Şiir Sanatı, Yeni Gerçek, Yeni Dergi u Halkın Dostları de kılamê xoyê namdari neşir bi. Ni kılamanê xo de vênaisê edebiyatio de mıqerrem u pêt u qomdar (toplumcu) est bi. İ xo çarna hetê kılamanê realist u qomdaru, kılamê xo ebe tema u usulanê newiyan ra kerdi wêyi. Heto bin ra ki, zonanê binu ra ebe çarnaisanê kılam u kıtabu, xeylê diqat ont xo ser.

Xovirra Kerd; Senên Bi Rüê Maya Mı

Xovirra kerd, senên bi rüê maya mı
Xovirra kerd, senên bi vengê maya mı...
Sewe, jü perda bo waxtê khani ra,
Ez bıpişi cigera xoya siyae ra...

Xovirra kerd, senên bi huyayişê maya mı
Xovirra kerd, senên biye waxto ke berbêne maya mı...
Heyat rasano mı bazianê ae de,
Ez lacekê qıckekê de maya xoyo...

Xovirra kerd, senên bi destê maya mı
Xovirra kerd, çımê xo senên bi waxto ke seyr kerdêne...
Va, bua vaşanê huşkan biyaro düri ra,
Waxto ke sıliye gran gran varêna...
Ataol Behramoğlu
Çarnais: Sinan USARR

Kıtabê xo

Kılami

Bir Ermeni General (1965)
Bir Gün Mutlaka (1970)
Yolculuk Özlem Cesaret ve Kavga Şiirleri (1974)
Ne Yağmur... Ne Şiirler... (1976)
Kuşatmada (1978)
Mustafa Suphi Destanı (1979)
Dörtlükler (1983)
İyi Bir Yurttaş Aranıyor (1983)
Eski Nisan (1987)
Türkiye Üzgün Yurdum, Güzel Yurdum (1985)
Kızıma Mektuplar (1985)
Şiirler 1959-1982 (1983)
Bebeklerin Ulusu Yok (1988)
Bir Gün Mutlaka (1991)
Sevgilimsin (1993)
Yaşadıklarımdan Öğrendiğim Bir Şey Var (1991)

Nusteyo raşt

Yaşayan Bir Şiir (1986)
Şiirin Dili-Anadili (1995)
Mekanik Gözyaşları (1997)
Nazım’a Bir Güz Çelengi (1997)
Kardeş Türküleri (1986)

Virardış

Aziz Nesin’li Fotoğraflar (1995)

Mektube

Genç Bir Şairden Genç Bir Şaire Mektuplar (1995)

Antolociye

Büyük Türk Şiiri Antolojisi (2 cilt, 1987)

Çarnayış

Lili'ciğim, Pantolonlu Bulut'dan, Şair İşçidir (Mayakovski)
Durgun Yıllarda Gelmiş Olanlar Dünyaya (Aleksandr Blok)
Karıma (Nikola Vaptsarov)