Ebubekir Pamukçu

Ebubekir Pamukçu yew nuştekar u siyasetkarê şarê Zazayan bi. 2.4.1946 de dewa Çermugi, Buderan de ameyo riyê dınya. Wendışê mektebê verêni dewa xo de qedêna u dıma kewt imtehanê mektebê malımiye u qezenc kerd. Mektebê malımiye Erğeni de wend u uca qedêna. Uca malımiye gırewte, labelê cayanê binan de malımiye kerde, zey Dêrsım u Pulur de.

Ebubekir Pamukçu
Melumato şexsi
Dewlete	Tırkiya
Cınsiyet	Camêrd
Cayê biyayışi	Buderan
Biyayış	2 Nisane 1946
Merdış	18 Temuz 1991
Cayê merdışi	Stokholm(Qanser ra merd)
Gure	Nuştekar
Zıwani	Tırki

Heyatê ey

Serra 1968ıne de Estenbol, Şile de zeweciya. Cı rê çehar teney domanê/qıcê xo biy. Bedêna Estamol de universıteo berz qedêna u tayê cayan de malımiye kerde. Serra 1970ıne de kıtabê ey Kurtuluş Savaşı neşr bi. Serra 1976ıne de Estamol de çapxaney (metbeay) kıtab-vetışi herina. Tıya de pêseroka Piya vete. Ena pêseroke de xeylê şıirê dewa (qewğa) xo zi estê.

Qezetaya İsweci de Ebubekir Pamukçu (1987)

Serrê dewrımi

Cuntay eskerê dewrê Kenan Evreni de malımiye ra erziya. O wext ey xeylê heqaret u işkence diyo. Peyniye de mecbur mend u welat terk kerd. Serra 1983ıne de ame İswec de mend. İswec de zi pasif nêvınderd. Dewa Zazaistani rê, zıwan, kultur u tarixê Zazayan sero kar kerd. Seba zıwan, kultur u tarixê Zazayan serra 1985ıne de pêseroka Ayrey vete.

Serranê 1985-1987 miyan de 14 amarê Ayrey u serranê 1988-1992 miyan de zi anci 14 amarê Piya veti. Labelê serra 1991ıne de 18ê aşma/menga Temmuze de Stockholm de nêweşiya qanseri ra çımê xo nay werê u resa heqiya xo.

Kıtabi

• Ozanlar ve Yazarlar (antolociye)
• Kurtuluş savaşı (şıiri)
• Mezarlığı Unutmak (şıiri)
• Kediyi Niçin Öldürdüm (kıtabê domanan)
• Kızıl Saçlı Kız (kıtabê domanan)
• Kolumdaki Sancı (kıtabê domanan)
• Aşiyan (Biyografiya Tevfik Fikreti)
• Zazaca-Türkçe Sözlük (nêveciyo)
• Dersim Zaza Ayaklanmasının Tarihsel Kökenleri (Ey ra dıme İswec de veciyo)

Bıvênên

• Ayre
• Piya
• Ebubekir Pamukçu (be Almanki)

Çımey

• Zaza Forum ra Ferhat Pak Archived 2007-11-09 at the Wayback Machine