Selahattin Demirtaş

Selahattin Demirtaş
Selahattin Demirtaş
Melumato şexsi
Dewlete	Tırkiya
Cınsiyet	Camêrd
Cayê biyayışi	Pali
Biyayış	10 Nisane 1973
Wendış	Fakultay Hıquqi, Universitey Anqara, Dokuz Eylül University Department of Maritime Business Administration û Universitay Anqara
Gure	Siyasetkar, Avoqat û nuştekar
Fıkır	Partiya Cemaetê Demokratiki, Partiya Aşti u Demokrasiye û Partiya Şaria Demoktratike
Zıwani	Tırki, Zazaki, İngılızki û Kırdaski
Hempar	Başak Demirtaş
Domani	Delal Demirtaş û Dılda Demirtaş

Selahattin Demirtaş, yew siyasetkaro (Zaza) o. 10 Nisanê 1973 de Pali de biyo.

Heyatê ci

Babî Demirtaşî serranî 1970 de keyeyî xo bar keno beno Dîyarbekir. Demirtaş Dîyarbekir de bîyo pîl. Nameyê pîyê xo Tahir o. Nameyê maya xo Sadiye ya.^[1] O mektebo verên, werteyên û lîse Dîyarbekir de qedînay.

Di serrî Unîversîteyê Ege de lizgê Tîcaretî de wend. Labela o wext de, Selahattin Demirtaş û birayo xo pîl Nurettin Demirtaş pîya kewtî hepîs. Demirtaşî Unıversiteyê Ege ca verda û 1994 de Fakulteyê Huquqî, Unîversiteyê Anqara de dest pê kerd. 1998 de perwerdê xo qedêna. Cuwa pê, Diyarbekir de yew ofisê aboqatî kerd a. 2002 de zewiciyo û di tene domanê xo estê. Yew doman laj o û yew doman zî kena ya.

Demirtaşî weş tembur ceneno. Televizyonê Nuçê de yew program de tembur cenit û lawukan vat. Wêxtanê xortanî xo de gruba muzîkî Komabelangaz de tembur cenit. Demirtaş (zazakî) hewl qise keno û îngilîzkî tay zaneno.

Sîyaset û serekê BDPyî

2000 de endamê îHD biyo û 2006 de Diyarbekir de biyo serekê îHD. 2007 de Partîya Cemaetê Demokratikî (DTP) ra Diyarbekîr de parlamenter veciyo. Weçînitiş ra dima, 2009 de Partîya Cemaetê Demokratikî (DTP) qedexe biye.

Birayo xo pîl Nurettin Demirtaş o wêxt de yew mûdet serekê DTPyî bîy. Labela reyna tepişîyo. Nika Nurettin Demirtaş aktifsîyaset ra birrîyo.

Serekê BDPyî

Serra 2010 Partîya Aştî û Demokrasî (BDP) de sîyset dewam kerd û biyo hemserekê BDP. ^[2] Demirtaşî serekêk zaf aktîf o. Bênateyê PKK û Tirkiya prosesê aştî de yew rola giran guret. O Abdullah Ocalan rî û Qendil rî minaqase kerd û bênate Abdullah Ocalan û Qendil de mektuban ard û berd.

Çimeyî

↑ "Archive copy". Archived from the original on 2011-06-16. https://web.archive.org/web/20110616194402/http://www.tbmm.gov.tr/develop/owa/milletvekillerimiz_sd_as.bilgi?p_donem=23&p_sicil=6482.
↑ "Archive copy". Archived from the original on 2013-01-23. https://web.archive.org/web/20130123153019/http://www.tbmm.gov.tr/develop/owa/web_rehber.ekran?pKod=13.

[1] "Archive copy". Archived from the original on 2011-06-16. https://web.archive.org/web/20110616194402/http://www.tbmm.gov.tr/develop/owa/milletvekillerimiz_sd_as.bilgi?p_donem=23&p_sicil=6482.

[2] "Archive copy". Archived from the original on 2013-01-23. https://web.archive.org/web/20130123153019/http://www.tbmm.gov.tr/develop/owa/web_rehber.ekran?pKod=13.

[1]

[2]