Hawar Tornêcengi

Hawar Tornêcengi yew nuştekarê Zazakiyo. Serra 1957ine de Dêrsım de, dewa Pılemoriye Harşiya Lolu de ame dınya. Mektebo verên dewe de, mektebo wertên Pırdo Sur de, mektebê zenaete ki Erzıngan de wend. Serra 1977ine de welat ra veciya, ame Almanya. Frankfurt de mektebo berz ‘İnformatik’ wend.

Hawar Tornêcengi
Melumato şexsi
Cayê biyayışi	Harşiye
Biyayış	1957
Zıwani	Zazaki

Nıka Almanya de berfekina (tercumanina) Almanki, Tırki, Zazaki u Kırdaski keno. Zeweciyaeo, yew lacê xo esto.

Serra 1984ine ra nat zıwan u kulturê Zazay sero guriyeno u nusneno. Folklorê Dêrsımi (lawıki, şanıki, mertali, qesey pi u khalıkan), ’38 sero qalkerdena kokıman u çarnayışan sero gurenayışê xo hewna dewam keno.

Lawık u kılamê ke ardê pêser ya ki ebe xo nusnê, hetê taê hunerberzan (senatkaran) ra kaset u CDyan de vaciyê. Kıtabê xoyo verên ‘Dêrsım de duey, Qesê pi u khalıkan, Erf u Mecazi, Çıbenoki, Ğeletnaêni’ serra 1992ine de ebe embazanê xo Mustafa Duzgıni u Munzur Comerdi pia vet. Dıma, lawıkê qomiê ke kerd bi arê, ebe namey ‘Taê Lawıkê Dêrsımi (Şıwari)’ serra 1992ine de Çapxaney Berheme (Anqara) de veciyay.

Hetan nıka xeylê pêserokan u dezganê ma de emegê xo vêrdo. Raver redaksiyonê Berheme (İsweç u Tırkiya) de guriya. Hewna redaksiyonê Warey, vetena Tija Sodıri u Veciyayışê Tiji (Tij Yayınları) de emegê xo vêreno.

Kıtabê cı

• Dêrsım de duey, Qesê pi u khalıkan, Erf u Mecazi, Çıbenoki, Ğeletnaêni, 1992
• Taê Lawıkê Dêrsımi (Şıwari), 1992 Çapxaney Berheme (Anqara)
• Rozé Yena (şiyir u klami),Vejiyaisé Tiji,Estemol
• Jü Şêftaliye Hazar Şêftali, Samed Behrengi (Farski ra çarnais), Vêjiyaişê Tiji, Estamol
• Bıza Kole,Vedat Dalokay (Tırki ra çarnais),Vejiyaisé Tiji,Estemol

Şanıki u hêkati

• Bıze ve hirê bıjêku ra
• Feqiro xêğ
• Hêkata vilıka sermonıke
• Khalkêk (Khalê Gağani)
• Mitolociya Dêrsımi de “Mesela Pire”
• Sanıka Diksılêmani
• Sanıka thüye
• Vergo vêsan
• Xal ve werezay ra

Çımey

• Antolociya Zazayan Archived 2004-06-11 at the Wayback Machine