"O kı, kame yê şar biyayenê xü rê wêhêr nê vıcêno, hetê şarê binan ra zi nino hésıbnayış.
Jewbiyayenda welatê şaran miyan dı cayê xü gıroten kame yê xü rê wêhêr vıcyayena beno".
Jewbiyayena mabêndê zıwanan u kokê cı ey xürub da zıwanan ra u qısan u rıstandê cı yê en kıhanan ra yeno pêzanayenı. Zıwanzaney qandê nêy verê xü danê çidê kıhanê. Kokdê ê zıwani ra, namedê vılık, heywan u çiyê naturi xü rê kenê çımeyê ê zıwani u wuni qerar danê kı, no zıwan koti ra yeno u kokê cı reseno koti.
Hinsanê kı zey qebilan heyatê xü ramıto, demo kı, qebileda xü ra şiyo qebilena, dewda xü ra şiyo dewna u welatê xü ra şiyo welatna, karekterê zıwandê qebileda xü zi bı xü ya berdo. Hediseyê macirey u koçkerdenı kı dınyan dı biyê, ê benê sedemê zıwan vılabiyayenı. (dewamê cı...)