Kayê olimpiki[1] (ya zi namey cıyo kılm Olimpiyati, Kayê Olimpiyati)[2]sporê ke olimpiyatê amnani u olimpiyatê zımıstani ra piya her çehar serran de vıraziyenê, namey ê sporano, sporê miyanê şaranê. 200 ra vêşi dewleti kewnê olimpiyatan. Yew ra vêşi spori yenê kerdış. Dınya sero lızgey sporan de tewr parçeyo gırdo.[3]
Desmala Olimpiyati
Hetê rıçıkê xo ra, Yunanıstani sero Olimpiya de, demo anitik de merdıman enê spori kerdêne, yanê rıçıkê enê sporê olimpiyati şınê Yunanê Antiki. Demo modern ra zi raver serra 1896ıne de, Pierre de Coubertin de Komitey Olimpiyatê Şaranmiyani vıraşto. O taw ra dıme enê spori ameyê kerdış. Serra 1924ıne dı, Olimpiyatê Zımıstani dest pêkerdê, spori zi aniya ameyê kerdış.
Kayê Olimpiyati miyan de pêro piya 13.000 ra vêşi sporkeri u 400 ra vêşi kategoriyan de merdımi kay kenê, ancênenê. Enê kaykerdışan ra tepiya zi yew merdımo ke kategoriya xo de beno numreyo yewın, o madalya zernêne gêno. Merdımo dıyın u merdımo hirêyın zi pêdıma madalya sêmêne u madalya bronze gênê.
